Sekretaria Estadu Arte no Kultura - Timor-Leste

Entre loron 2 no 3 fulan Abril tinan ida ne’e, Sekretaria Estadu Kultura Repúblika Demokrática Timor-Leste partisipa iha VII Reuniaun Ministru Kultura husi CPLP, hala’o iha Luanda, iha Angola. Reuniaun ne’e konta ho partisipasaun iha altu reprezentantes husi países membros hotu-hotu husi CPLP (Angola, Brasil, Cabo verde, Guine Bissau, Moçambique, Portugal, São Tomé e Príncipe no Timor-Leste).
Delegasaun Timor-Leste konstituída husi S.E. Sekretáriu Estadu Kultura, Virgílio Simith, Assessor ba Patrimóniu Kultural, Flávio Miranda, no Assessora husi Gabinete Sekretáriu Estadu Kultura, Dália Mesquita.
Reuniaun ne’e, organizada husi Governu Angola, iha prinsipal objetivu fo kontinuidade ba projetos nebe inisiadu iha reuniuan anteriores, permite mos diskusaun ba ideia foun iha prol prezervasaun no promosaun iha riku no únika kultura husi kada pais membru. Iha loron 3 fulan Abril, Ministru sira husi país sira participantes assina Declarasaun ida nebe ho prinsipais asuntu diskutidu no desididu husi pontos fokais nebe partisipa iha reuniaun preparatória iha loron anterior.