Kultura buat nebe iha memória ba povo ida nebe la mate!
Manifestu Maubere, Fernando Sylvan

Lansamentu Ofisial Primeira pedra ba BNTL

28/08/2017 > Nasionál
fatin lansa primeira pedra ba konstrusaun BNTL

Minesteriu Turismu Arte no Kultura liu husi Sekretaria Estadu Arte no Kultura, servisu hamutuk ho Autoridade Nasional Petroliu Minerais,halo serimónia lansamentu Primeira Pedra ba Konstrusaun Bibleoteka Nasional Timor Leste (BNTL) iha Hudi Laran.
Loron 16 liu ba, iha Hudi Laran, Postu administrativu Dom Aleixo, halo ona lansamentu ofisial ba Primeira Pedra ba Konstrusaun Biblioteka Nasionál Timor Leste.
Projetu Biblioteka Nasionál nu’udar projetu konteúdu lokál nian ne’ebé nia fundus husi kompañia mina ENI JPDA 06-105 Pty Ltd nudar operador ho nia Joint Ventures sira (INPEX Timor Sea Ltd no Talisman Resources Pty Ltd) ba kontratu fahe produsaun (JPDA PSC 06-105) hodi hala’o dezenvolvimentu no produsaun ba iha kampu Kitan ne’ebé deskobre iha tinan 2008. Biblioteka Nasionál nudar kompromisu ida husi ENI no nia parseiru sia ba planu Dezenvolvimentu ba Kampu mina Kitan ne’ebé mak ANPM aprova iha tinan 2010.
Iha Diskursu S.E Sekretária Estadu ba Arte no Kultura, Dra. Maria Isabel de Jesus Ximenes katak '’ohin sai hanesan eventu ne’ebé mak importante teb-tebes ba Timor – Leste , tamba nu’udar Nasaun independenti ida ita persiza tebes atu investe iha seitor edukasaun . Bibleoteka Nasional hanesan investimentu signifikadu iha seitor edukasaun no kultural nian ne’ebé Governu tau ona iha planu Dezenvolvimentu Nasional. Ita hotu hatene katak nudar nasaun independente ida ita mos presiza Bibleoteka Nasional ida hodi bele enkoraja ita nia oan sira, joven sira no ema hotu atu hasa’e sira nia interese atu le’e, tamba liu husi le’e livrus ita bele aprende no aumenta koñesimentu no matenek hodi bele loke ita nia hanoin’’.
Partisipa iha serimónia ne’e maka hanesan Ministru Turizmu Arte no Kultura, Ministru dos NegósiuEstranjeiru, Prezidente Autoridade NasionálPetróleu Minerais, Reprezentante Eni Iha Timor Leste, Korpu Diplomátiku, Diretores Jeraisba ajénsia dezenvolvimentu Nasionál, Diretores Geral Komisaun Nasionál Aprovizionamentu, Diretores Jerais, Diretores Nasionais, Country Representatif Conoco Philps, Funsiunariu sira husi Sekretaria Estadu Arte Kultura no Autoridade Nasional Petroliu Minerais no konvidadu sira.

deskursu Ministru Turismu Arte no Kultura
deskursu husi  Sekretária Estadu ba Arte no Kultura
Governu Timor-Leste

Design no hala'o boq | Copyright © 2009 Sekretaria Estadu Arte no Kultura