Sekretaria Estadu Kultura - Timor-Leste

Iha loron 14 to’o 17 fulan Jullu 2011, iha konteudu ida, Konferensia Internasional no Feira ba Design iha Centro Cultural Dili – CCD (eis-Mercado Municipal), nebe’e iha objetivu prinsipal lansa projetu ba futuru Academica de Artes e Indústrias Criativas de Timor-Leste.
Programa hahú husi tuku 18.00 Kinta-Feira, loron 14 fulan Jullu, hahu ho konsertu husi artista nasional no internasional, nomos partisipasaun espesial husi Primeiru Ministru, Kay Rala Xanana Gusmão.
Durante loron 15 no 16, sei hala’o Konferensia Internasional nebe sei inklui sesaun sira konaba artes Virtuais, muzika, dansa, sinema, televizaun, arkitetura, design, publisidade, artezanatu, literatura, muzeus, galerias no asuntu sira seluk.
Durante loron hirak ne’e no to’o domingu, 17 Jullu, CCD sei loke ba publiku, atu bele partisipa iha eventu sira ne’e nomos vizita Feira Design nebe hala’o iha fatin neba.
Eventu ne’e hanesan organizasaun konjunta ida, entre Sekretaria Estadu Kultura, Sekretaria Estadu Konsellu Ministrus no Colégio de Artes de Queensland, Universidade Griffith, Australia.